ham to majbur the is dil se ki jis men har dam
gardish-e-khun se vo kohram bapa rahta hai
jaise rindadan-e-bala-nosh jo mil baithen baham
mai-kade men safar-e-jam bapa rahta hai
soz-e-khatir ko mila jab bhi sahara koi
dagh-e-hirman koii, dard-e-tamanna koi
marham-e-yas se mail-ba-shifa hone laga
zakhm-e-ummid koi phir se hara hone laga
ham to majbur the is dil se ki jis ki zid par
ham ne us raat ke mathe pe sahar ki tahrir
jis ke daman men andhere ke siva kuchh bhi na tha
ham ne is dasht ko thahra liya firdaus-e-nazir
jis men juz sanat-e-khun-e-sar-e-pa kuchh bhi na tha
dil ko taabir koi aur gavara hi na thi
kulfat-e-zist to manzur thi har taur magar
rahat-e-marg kisi taur gavara hi na thi
Leave a Reply