Afeef Siraj
mere junun-e-shauq ko itni si kaenat bas
kar-e-daraz ke liye chhoti si ye hayat bas
kaisi hain azmaishen kaisa ye imtihan hai
mere junun ke vaste hijr ki ek raat bas
vo hai jamal-e-be-karan qaidi-e-rang hai nazar
dida-e-shauq dekh le aina-e-sifat bas
saare jahan ki tohmaten lag chukin ham pe shahr men
diije na ab safaiyan kiije na ham se baat bas
hur-o-qusur-o-mai sabhi ahl-e-safa ke vaste
mujrim-e-ishq ke liye vaada-e-yak-najat bas
Leave a Reply