Mere Dil Mein Hijr Ke Bab Hain Tujhe Ab Talak Wahi Naz Hai

Poet

mire dil men hijr ke baab hain tujhe ab talak vahi naaz hai

jo ye ji hi lene pe hai nazar to qubul ho ye namaz hai

yahi khoj lene ke vaste phirun huun main saath nasim ke

ki chaman men koi hai gul kahin tiri bu se mahram-e-raz hai

koi aur qissa shurua kar jo tamam kah sake ham-nafas

ki fasana zulf-e-siyah ka shab-e-hijr se bhi daraz hai

hui dil men jab se hai shola-zan miri atish-e-ishq ki har nafas

jo patang o sham.a men dekhiye na vo soz hai na gudaz hai

ba-ḳhuda ki muddat-e-ishq men yahi baat farz hai naseha

ki sanam ke naqsh-e-qadam siva nahin sajda-gah-e-namaz hai

na barabar us ko bhi zahido gino apne ka.abe ki raah ke

rah-e-ishq men jo qadam rakho to bahut nasheb-o-faraz hai

koi shaghl us se nahin bhala ki ‘muhib’ ho ishq men mubtala

usi rah-e-haq ka bane rahnuma yahi ishq agarche majaz hai