Rana Abdurrab
mere bachne ki aḳhiri surat
samne aa.e aap ki surat
ruup misra-numa bhi hote hain
log hote hain sha.iri-surat
tu tha sahil pe log dekhte the
vo samundar ki matami surat
teri surat hi pahli surat hai
teri surat hi dusri surat
ye to fitrat se iḳhtilaf hua
koi sha.ir ho maulvi-surat
teri nisbat se ashkar hua
maut hoti hai zindagi-surat
kitne sinon men zahr boya gaya
kitni ankhon ko kha ga.i surat
Leave a Reply