Poet
ba-fart-e-shauq har gul men tire ruḳh ki ziya samjhe
agar chaTka koi ghuncha to ham teri sada samjhe
hamen dekho ki kab ham ne bina-e-ashiyan Daali
muḳhalif apne jab saare gulistan ki faza samjhe
bil-aḳhir aaj mera zabt-e-ulfat rang le aaya
mujhe hi jannisar-e-ishq-o-janbaz-e-vafa samjhe
hamare paas aaya hai mo.attar jab koi jhonka
use ham be-takalluf tere daman ki hava samjhe
hamen le aaya is manzil men tere ishq ka jazba
ki ham har ek zarra maz.har-e-shan-e-ḳhuda samjhe
samajh se duur hai jan-dadgan-e-ishq ki manzil
fana ki god men sarmaya-e-raz-e-baqa samjhe
na hoga koi ham sa rahrav-e-rah-e-vafa ‘jauhar’
ham is manzil ki har aafat ko saman-e-baqa samjhe
Leave a Reply