Ahmad Khayal
mire andar ravani khatm hoti ja rahi hai
so lagta hai kahani khatm hoti ja rahi hai
use chhu kar labon se phuul jhadne lag gae hain
miri atish-fishani khatm hoti ja rahi hai
sulagte dasht men ab dhuup sahna pad gai hai
tumhari saebani khatm hoti ja rahi hai
hamara dil zamane se ulajhne lag gaya hai
tumhari hukmarani khatm hoti ja rahi hai
samundar se simat kar jhiil bante ja rahe hain
hamari be-karani khatm hoti ja rahi hai
Leave a Reply