Mushtaq Naqvi
karam men hai na sitam men na iltifat men hai
jo baat teri nigahon ki ehtiyat men hai
kuchh is tarah se chale ja rahe hain kanTon par
ki jaise haath hamara tumhare haath men hai
diye jale hain saji ja rahi hai kal ki dulhan
ajiib husn gham-e-zindagi ki raat men hai
khaḌi hai sail-e-havadis ke darmiyan ab tak
baḌa sabat mari umr-e-be-sabat men hai
na koi dost kisi ka na koi dushman hai
hamara dost va dushman hamari zaat men hai
Leave a Reply