Wajeeh Sani
mire andar kahin par kho ga.i hai
mohabbat ḳhaak men luthḌi hui hai
main zaḳhmi dil liye kab tak phirunga
tiri ḳhvahish to kab ki mar chuki hai
miri ankhon men hain aansu abhi tak
kali ik mez par ab tak dhari hai
tire gham ko sameTa jab to dekha
udasi sahn men bikhri paḌi hai
tira saaya mujhe lipTa hua hai
to phir tu fasle par kyuun khaḌi hai
lakiren hijr ka dukh ro paḌin ya
tumhare haath men mehndi rachi hai
Leave a Reply