Mere Andar Jo Ek Faqiri Hai

mere andar jo ik faqiri hai

ye hi sab se baḌi amiri hai

kuchh nahin hai magar sabhi kuchh hai

dekh kaisi jahan-giri hai

pankhuḌi ik gulab ke jaisi

mere sheron men aisi miiri hai

sher kahta hai bech deta hai

tujhmen kaisi ye la-zamiri hai

tujh se rishta kabhi nahin suljha

us ki fitrat hi kashmiri hai

ruuh aur jism surḳh hain ḳhuun se

phir bhi ye pairahan hariri hai

Leave a Comment