hote hi javan ho ga.e paband-e-hijab aur
ghunghaT ka izafa hua bala-e-naqab aur
jab main ne kaha kam karo a.in-e-hijab aur
farmaya baḌha dunga abhi ek naqab aur
piine ki sharab aur javani ki sharab aur
hushyar ke ḳhvab aur hain madhosh ke ḳhvab aur
gardan bhi jhuki rahti hai karte bhi nahin baat
dastur-e-hijab aur hain andaz-e-hijab aur
paani men shakar ghol ke piita to hai ai shaiḳh
ḳhatir se mila de miri do ghunT sharab aur
saaqi ke qadam le ke kahe jaata hai ye shaiḳh
thoḌi si sharab aur de thoḌi si sharab aur
‘sa.el’ ne saval us se kiya jab bhi ye dekha
milta nahin gaali ke siva koi javab aur
Leave a Reply