mere afkar-o-ḳhayalat ka mehvar tum ho
al-gharaz meri har ik baat ka mehvar tum ho
mere din-rat hain mansub tumhin se ba-ḳhuda
din ka mehvar bhi ho tum raat ka mehvar tum ho
kyon na maqbul-e-zamana hon hikayat miri
meri tabinda hikayat ka mehvar tum ho
ye haqiqat vahi samjhenge jo hain ahl-e-nazar
mere sab kashf-o-karamat ka mehvar tum ho
kyon na pur-soz hon ash.ar ghazal ke meri
mere ash.ar miri zaat ka mehvar tum ho
Leave a Reply