mera tan sar se juda karte hi bekal ho gaya
vo adhura rah gaya aur main mukammal ho gaya
husn ki tavil men bas itni tabdili hui
TaaT ka TukḌa tire shanon pe maḳhmal ho gaya
pahle gahre paniyon men us ki bud-o-bash thi
ab hava ke dosh par aaya to badal ho gaya
phuul ki ik zarb se aansu nikal aa.e mire
ek halki baat ka ehsas bojhal ho gaya
vaqt ki nabzon pe is ka haath bhi kamzor tha
saans ki raftar par main bhi musalsal ho gaya
is qadar manus thi ḳhilqat andhere se ‘nasim’
raushni phuTi to saara shahr pagal ho gaya
Leave a Reply