abdul-hamid-adam

Matlab Muamalat Ka Kuchh Pa Gaya Hun Main

matlab muamalat ka kuchh pa gaya huun main

hans kar fareb-e-chashm-e-karam kha gaya huun main

bas intiha hai chhodiye bas rahne dijiye

khud apne e’timad se sharma gaya huun main

saaqi zara nigah mila kar to dekhna

kambakht hosh men to nahin aa gaya huun main

shayad mujhe nikal ke pachhta rahe hon aap

mahfil men is khayal se phir aa gaya huun main

kya ab hisab bhi tu mira lega hashr men

kya ye itaab kam hai yahan aa gaya huun main

main ishq huun mira bhala kya kaam daar se

vo shara thi jise vahan latka gaya huun main

nikla tha mai-kade se ki ab ghar chalun ‘adam’

ghabra ke su-e-mai-kada phir aa gaya huun main

More Poems

Leave a Comment