mera shu.ur mujh ko ye azar de gaya
suraj ki tarah dida-e-bedar de gaya
har phuul ik sharar hai to har shaḳh ek barq
jannat ka ḳhvab dozaḳh-e-gulzar de gaya
lab-bastagi men hasrat-e-guftar jaag uThi
ḳhauf-e-sukut jur.at-e-iz.har de gaya
jalta huun apni aag men ḳhurshid ki tarah
kaisi saza ye sho.ala-e-pindar de gaya
mahv-e-suḳhan tha main ki mira aks hans paḌa
a.ine se nikal ke ye ash.ar de gaya
Leave a Reply