avval siin dil mira jo giraftar tha so hai
mere gale men ishq ka zunnar tha so hai
ai shah-e-husn mujh kuun tumhari janab men
muddat siin bandagi ka jo iqrar tha so hai
maalum yuun hua ki nasibon men nahin shifa
shamshir-e-gham ka vaar jigar paar tha so hai
jiyun ghuncha sair-e-bagh siin hota huun tang-dil
tujh bin miri nigah men gul khaar tha so hai
sozan misal aankh men silti hai har palak
teri birah ka khaar dil-azar tha so hai
ab lag gham-e-firaq judai ki raat men
yaaro rafiq-o-munis-o-gham-khvar tha so hai
mat buujh soz-e-ishq siin farigh siraj kuun
parvana-var jaan siin balhar tha so hai