Poet
zamin se duur rahe asman se duur rahe
jo tum the paas to saare jahan se duur rahe
jo ashk-e-gham mizha-e-ḳhun-fishan se duur rahe
fasana ban ga.e lafz-o-bayan se duur rahe
vo kya bata.en baharon ki hashr-samani
jo ta.iran-e-qafas gulistan se duur rahe
sitam-zarifi-e-fitrat vo mir-e-manzil hain
vahi jo gard-e-rah-e-karvan se duur rahe
ghaTa saka na zamana dilon ki qurbat ko
tumhare paas rahe astan se duur rahe
vo daur asl men jan-e-ghazal-sara.i tha
vo daur jis men ki ham ashiyan se duur rahe
nazar se duuri ka ‘ehsas’ itna gham to na tha
malal ye hai dil-e-dostan se duur rahe
Leave a Reply