Tujhko Dekha to Meri Aankh Ne Dekha Mujh Mein

tujh ko dekhā to mirī aañkh ne dekhā mujh meñ

jhilmilātā hai koī pahle hī tujh sā mujh meñ

ek girte hue aivāñ kā bharosā kyā hai

bas isī ḳhauf se vo shaḳhs na Thahrā mujh meñ

itnā gahrā thā ki gahrā.ī mujhe le Duubī

sab kināroñ pe rahe koī na utrā mujh meñ

baiTh jaatā hai thakā dard yahāñ aa ke kabhī

yaad kyā hai tirī dīvār kā saaya mujh meñ

ga.e mausam kī khulī dhuup na yādoñ pe paḌe

barf pighlegī to chaḌh jā.eñge dariyā mujh meñ

Leave a Comment