mira paanv zer-e-zamin hai pas-e-asman mira haath hai
kahin beach men mira jism hai kahin darmiyan mira haath hai
ye nujum hain miri ungliyan ye ufuq hain meri hatheliyan
miri por por hai raushni kaf-e-kahkashan mira haath hai
mire jabr men hain latafaten miri qadr men hain kasafaten
kabhi ḳhaliq-e-shab-e-tar hai kabhi zau-fishan mira haath hai
kisi bahr-e-ḳhvab ki sat.h par mujhe tairna hai tamam shab
miri aankh kashti-e-jism hai mira badban mira haath hai
abhi harf lams-e-visal ke kisi mantaqe pe ruka nahin
abhi gung mera vajud hai abhi be-zaban mira haath hai
Leave a Reply