Poet
mera maqsud-e-nazar lauh-e-muqaddar men nahin
main vo moti DhunDhta huun jo samundar men nahin
baat karne ki bhi ab fursat nahin shayad use
main ne jab avaz di kahla diya ghar men nahin
kis tarah se dhoiye chehre se gard-e-mah-o-sal
itne aansu bhi to apne dida-e-tar men nahin
jagmaga sakti ho jis se ḳhamushi ki reg-e-dil
itni ab-o-tab avazon ke ḳhanjar men nahin
vahimon ke bhuut gham ke saa.e sannaTe ke naag
kaun sa aaseb ai ‘tahir’ mire ghar men nahin
Leave a Reply