Sabeensaif
mera kitna ḳhayal karte ho
saans lena muhal karte ho
ho vahan bhi jahan nahin maujud
tum ye kaisa kamal karte ho
ishq men hijr-o-vasl be-ma.ani
kis liye tum malal karte ho
jante ho ki ham tumhare hain
phir bhi dil pa.emal karte ho
ham ne dekha hai ik zamane ko
zindagi kyuun vabal karte ho
mere iḳhlas ka karishma hai
jism-o-jan ko nihal karte ho
kaun kya hai ye janti huun ‘sabin’
us se tum kya saval karte ho
Leave a Reply