mira ḳhvab mera ḳhayal tu tira zikr hai miri guftugu
mira har nafas tiri aarzu mira har qadam tiri justuju
mujhe zid nahin magar aa bhi ja baḌa yas-o-gham ka hujum hai
tire dard ki mire zabt ki kahin luT na jaa.e ye aabru
main malamaton ka shikar bhi mujhe kafiri ka ḳhitab bhi
miri mai-kashi ka ḳhumar tu miri bandagi ka shi.ar tu
ye kaThin to hai mire dosto mujhe mo.ajizon pe bhi hai yaqin
kabhi aa.e aisa bhi ek din ki use bhi ho miri justuju
nahin aql-o-faham ki dastaras hain ajiib dil ke muamle
kabhi nik.haton se latif-tar kabhi rasan-o-dar se du-badu
tira ruup bhi tira rang bhi tire gesuon ki mahak bhi thi
kabhi aa gaya huun jo daf.atan main ḳhud apne aap ke ru-ba-ru
yunhi ek halki si choT se vo na jaane kaise bikhar gaya
vo jo ḳhud ko kahta tha ahani baḌi sho.ala-bar thi guftugu
Leave a Reply