Poet
mira divangi par is qadar maghrur ho jaana
ki rafta rafta hadd-e-agahi se duur ho jaana
pata deta hai gumrahi-e-rahgir-e-mohabbat ka
bichhaḌna aur bichhaḌ kar qafile se duur ho jaana
kahin duniya-e-ulfat ko tah-o-bala na kar Daale
ghurur-e-husn ke aa.iin ka dastur ho jaana
azal se tira-baḳht-e-ishq ke hisse men aaya hai
shab-e-gham-e-dil ka jal jal kar charagh-e-tur ho jaana
miri danist-e-naqis men kamal-e-ḳhud-numa.i hai
zamin se asman tak aap ka mash.hur ho jaana
kisi ka jashn-e-azadi manana hai bahut asan
magar dushvar hai gharat-gar-e-jamhur ho jaana
ragon ka ḳhuun rafta rafta ThanDa ho chala ‘maikash’
mire dard-e-jigar ko aa gaya kafur ho jaana
Leave a Reply