Ishq Mein Tere Koh-E-Gham Sar Pe Liya Jo Ho So Ho

ishq men tere koh-e-gham sar pe liya jo ho so ho

aish-o-nishat-e-zindagi chhod diya jo ho so ho

aql ke madrase se ho ishq ke mai-kada men aa

jam-e-fana va be-khudi ab to piya jo ho so ho

laag ki aag lag uthi pamba tarah sa jal gaya

rakht-o-jud jan-o-tan kuchh na bacha jo ho so ho

hijr ki sab musibaten arz kiin us ke ru-ba-ru

naz-o-ada se muskura kahne laga jo ho so ho

duniya ke nek-o-bad se kaam ham ko ‘niyaz’ kuchh nahin

aap se jo guzar gaya phir use kya jo ho so ho

Leave a Comment