so duniya men jiina basna dil ko marne mat dena
yaar kira.e-dar ko ghar par qabza karne mat dena
job zaruri hoti hai sahab majburi hoti hai
job ke ghanchakkar men paḌ kar ḳhvab bikharne mat dena
aisi lahren aisi bahren kab qismat se milti hain
achchhe manjhi ab nayya ko paar utarne mat dena
ek dafa ka zikr hai donon ik lahore men yakja the
ek dafa ka zikr hai us ko kabhi mukarne mat dena
maal pe rash kaafi hoga bas ek do kash kaafi hoga
ab kisi car ko kisi savar ko sar se guzarne mat dena
murda na.are lagane vaale zinda gosht jala sakte hain
is be-ant hujum ko ḳhud se ziyada Darne mat dena
Leave a Reply