Mera Dard-E-Nihan Hai Aur Main Hun

Poet

xshab-e-ahd-e-gul men baaqi hain abhi ra.ana.iyan

tairti hain gham ki gahra.i men kuchh parchha.iyan

der tak tanha khaḌa dekha kiya us moḌ par

ja chuki thiin jis taraf bajti hui shahna.iyan

saḳhti-e-daur-e-ḳhizan ko chaar din biite nahin

phir vahi bulbul ke naghme phir chaman-ara.iyan

ḳhud se bhi ḳhalvat men milne ko taras jaata huun main

lipTi rahti hain hamesha yuun miri parchha.iyan

‘nur’ be-payan ḳhala men Dubti hai jab nazar

aur baḌh jaati hain meri raat ki tanha.iyan