ek ik baat ka pata hai mujhe
saare halat ka pata hai mujhe
main ne dekhe hain sab nasheb-o-faraz
jiit aur maat ka pata hai mujhe
apni kamzoriyon se vaqif huun
apni auqat ka pata hai mujhe
tu abhi manzil-e-guman men hai
tere shub.hat ka pata hai mujhe
be-sukuni nazar men hai teri
tere din raat ka pata hai mujhe
haath hai ek zaat ka mujh par
aur us zaat ka pata hai mujhe
Leave a Reply