aaj ki tanha.i se niklo kal ki abadi men aao
janan ki turbat se uTTho dauran ko siine se lagao
ḳhuub nahin ye tarz-e-takalluf aaj ta.aruf ho jaane do
main bhi apne sar ko jhuka.un tum bhi apni tegh uThao
TeḌhi narden ulTe ḳhane madd-e-muqabil be-uslub
ye chausar ka khel bhi kya hai chaal chalo to munh ki khaao
tum hi qatil tum hi munsif phir bhi mujhe afsos nahin
aḳhir mere dil men kya hai buujh sako to baat batao
dil ka virana bhi vahi hai teri tamanna bhi hai vahi
zulmat men raushan hai sitara sahra men jalta hai alaao
Leave a Reply