jin dinon ham us shab-e-haz ke siyah-karon men the
us ayagh-e-chashm ke paivasta mai-khvaron men the
chaunk chaunk ab khincho ho daman hamari khaak se
vo bhi sapna ho gaya tum gul the ham kharon men the
khar-o-khas mahram hain pur-fan garche ham rahe juun hubab
ham tire ai bahr-e-husn akhir hava-daron men the
khaak bhi un ki hai shakl-e-sarv misl-e-gard-bad
is qadar azad ke jiite giraftaron men the
khasm jo miqraz-e-gulchin hain tire ai shama-qad
juun patinge jal gae ham jo tire yaron men the
us aziz-e-khalq ki ankhon ke do badam par
bik gae vo sab jo yusuf ke kharidaron men the
ek patthar bhi na aaya sar pe ‘uzlat’ ab ki saal
gae kidhar tiflan jo divanon ke gham-khvaron men the
Leave a Reply