Mein Mahfil-e-Hayat Mein Hairan Sa Raha

men mahfil-e-hayat men hairan sa raha

har ek ki nigah men anjan sa raha

kuchh kar saka na shaam talak rah-e-shauq men

har pal har ek gaam pe be-jan sa raha

palken uTha ke dekh saka main na ek baar

mera ḳhirad junun ka nigahban sa raha

rah-e-hayat men na mili ek pal ḳhushi

gham ka ye bojh dosh pe saman sa raha

bu-e-gul-o-saman ki tarah is jahan men

‘ahan’ tamam umr pareshan sa raha

Leave a Comment