Ahmad Shanas
dasht-e-ummid men khvabon ka safar karna tha
tu ki ik lamha-e-napaid basar karna tha
ham ne kyuun aapsi azdad ke nukte dhunde?
ham ne to khud ko baham shir-o-shakar karna tha
naqsh banta hi nahin sang-e-samaat pe koi
kund alfaz ko phir tir-o-tabar karna tha
saat-e-dard ki be-chehra o be-nam rahi
qatra-e-ashk ki mahfuz guhar karna tha
tishnagi mahi-e-be-ab si likh honton par
varna yuun bosa-e-saghar se hazar karna tha
mujh pe aayat na koi lafz hi utra ‘ahmad’
meri mushkil ki bayan mujh ko safar karna tha
Leave a Reply