maut ka vaqt guzar ja.ega
ye bhi sailab utar ja.ega
aa gaya hai jo kisi sukh ka ḳhayal
mujh ko chhuega to mar ja.ega
kya ḳhabar thi mira ḳhamosh makan
apni avaz se Dar ja.ega
aa gaya hai jo dukhon ka mausam
kuchh na kuchh to kahin dhar ja.ega
jhuuT bolega to kya hai is men
koi va.ada bhi to kar ja.ega
us ke baare men bahut sochta huun
mujh se bichhḌa to kidhar ja.ega
chal nikalne se bahut Darta huun
kaun phir lauT ke ghar ja.ega
Leave a Reply