Mausamon Ki Tarah Badla Main Ki Tu

Bismil Arifi

mausamon ki tarah badla main ki tu

kaun kis ko bhuul baiTha main ki tu

samne dariya magar pabandiyan

ek ik qatre ko tarsa main ki tu

paka.i-e-daman ke afsane na kah

kaun hai har samt rusva main ki tu

justuju kis ko na.i duniya ki thi

dasht men sho.alon ke bhaTka main ki tu

zindagi ke saḳht-o-sangin moḌ par

kaun tha kis ka sahara main ki tu

jis men donon ki bhala.i thi nihan

aise har nukte ko samjha main ki tu

jagti ankhon se ‘bismil’ aj-kal

dekhta hai kaun sapna main ki tu