maujon ka aks hai ḳhat-e-jam-e-sharab men
ya ḳhuun uchhal raha hai rag-e-mahtab men
vo maut ki kahte hain jis ko sukun sab
vo ain zindagi hai jo hai iztirab men
dozaḳh bhi ek jalva-e-fidaus-e-husn hai
jo us se be-ḳhabar hai vahi hai azaab men
us din bhi meri ruuh thi mahv-e-nashat-e-did
muusa ulajh ga.e the saval o javab men
main iztirab-e-shauq kahun ya jamal-e-dost
ik barq hai jo kaundh rahi hai naqab men
Leave a Reply