matlab na kaabe se na irada kanisht ka
paband ye faqir nahin sang-o-khisht ka
sarsabz huun jo aap dikha diije khat-e-sabz
kushton ko khet men abhi aalam ho kisht ka
us huur ki jo gulshan-e-ariz ki yaad thi
dekha kiya firaq men aalam bahisht ka
kya munshi-e-azal ki ye sanat hai dekhna
mahir nahin kisi ki koi sarnavisht ka
nadan e’tiraz hai saane pe ghaur kar
beja hai imtiyaz yahan khuub o zisht ka
ai ‘barq’ sair karte hain ham to jahan ki
har kucha-e-sanam hai namuna bahisht ka