mathe pe paḌi zulf-e-girah-gir hila di
kyuun tum ne dil-e-ḳhufta ki zanjir hila di
vaise to mire ishq ka har naqsh hasin tha
jab dard ne khinchi to ye tasvir hila di
ḳhat bhej diya kaaT ke paiman-e-mulaqat
ye kaun hai jis ne tiri tahrir hila di
yuun hi na samajh ahl-e-mohabbat ke junun ko
kam-baḳht ne jab chaha hai taqdir hila di
vo zalzala go roz hila deta tha dil ko
is baar magar saari hi ta.amir hila di
Leave a Reply