Poet
baḌhne de abhi kashmakash-e-tar-e-nafas aur
ai gosh-bar-avaz zara der taras aur
ham ma.il-e-parvaz rahe jitni lagan se
uThti hi ga.i utni hi divar-e-qafas aur
ye atish-e-shauq aur ye do-char phuvaren
ai abr-e-siyah-mast zara khul ke baras aur
ik qafila-e-zist bichhaḌ jaa.e to kya gham
aati hai bahut duur se avaz-e-jaras aur
farda men baharon ke nishan DhunDne vaalo
kya hoga zamane ka chalan ab ke baras aur
ham ne jo ‘tamanna.i’ bayaban-e-talab men
ik umr guzari hai to do-char baras aur
Leave a Reply