mata-e-ishq zara aur sarf-e-naz to ho
tazzi-e-umr ka aḳhir koi javaz to ho
ba-ham-digar koi shab us se lab-ba-lab to chale
hava-e-shauq kuchh aluda-e-majaz to ho
qadam qadam koi saaya sa muttasil to rahe
sarab ka ye sar-e-silsila daraz to ho
vo kam-suḳhan na kam-amez phir takalluf kya
kuchh us se baat to Thahre kuchh us se saaz to ho
vafa se manzil-e-tark-e-vafa tak aa nikle
kisi bahane to patthar kabhi gudaz to ho
shafaq kinaya-e-lab shaam istara-e-zulf
kabhi ḳhayal vasilon se be-niyaz to ho
huzur-e-naz abas hai ḳhayal-e-jan ‘gauhar’
niyaz mahram-e-ḳhamyaza-e-niyaz to ho
Leave a Reply