aa
ki is dil men tere liye hai bahut si jagah
ye to donon ko maalum hai
arzuon ki kasrat se tangi ka maara hua
hasraton se pareshan hai
us ki bosidgi ke gavah
mohabbat vafa dushmani bughz kiina hasad
ye jahan mukhtasar
aur to izz-o-jal
phir bhi itna yaqin kar hi sakta hai tu
ye vo ghar hai ki jis men agar tu biraje
ye tera bane
aur tab tak rahega basera tira
jab tilak tu ise
apne rahne ke qabil samajhta rahe!