mausamon men hui hai sazish phir
dhuup men ho rahi hai barish phir
ab to baaqi hai samt-e-mamnua
mere talvon men jaagi ḳharish phir
har taraf hai ajiib taraji
dil men aa.i sipah-e-danish phir
rang-o-roghan bhi muskurane lage
ḳhush bahut hai miri riha.ish phir
aḌi-tirchhi lakiren raushan hon
kuchh to ho surat-e-nigarish phir
dekhiye kis taraf ko jaata hai
hai qalandar ki azma.ish phir
zahr-alud ḳhushbuen hain ‘munir’
ki hava ne gulon se sazish phir
Leave a Reply