masa.il hain jo la-yanhal bahut asan ban jaate
jo shaiḳh-o-barhaman kuchh der ko insan ban jaate
nafas ki amad-o-shud sher ham divan ban jaate
ba-nazm-e-zindagani tum agar unvan ban jaate
masiha-e-zaman banna bhi koi amr-e-mushkil tha
jo tum kar lete mere dard ki pahchan ban jaate
bayan karte sifat apni jo bam-e-ḳhud-numa.i se
to ham charḳh-e-adab par sha.ir-e-zi-shan ban jaate
udhar to ‘shauq’ un ki kufr-saman zulf hi banti
idhar to saikḌon bigḌe hue iman ban jaate
Leave a Reply