Sufi
mar hi gae jafaon se qatil tadap-tadap
main kya ki aur kitne hi bismil tadap-tadap
pinjde ko tod siine ke ye murgh-e-dil mira
niklega koi dam hi men ghafil tadap-tadap
kahte hain iztirab hai tera pasand yaar
aram-o-sabr bhuul ja ghayal tadap-tadap
main kis ravish se tum kaho mamnun-e-dil na huun
pahuncha diya hai un ne ba-manzil tadap-tadap
aram-e-zindagi to gaya muddaton se ‘ishq’
dekhen phir aage kya kare ye dil tadap-tadap
Leave a Reply