maqtal-e-jan se ki zindan se ki ghar se nikle
ham to ḳhushbu ki tarah nikle jidhar se nikle
gar qayamat ye nahin hai to qayamat kya hai
shahr jalta raha aur log na ghar se nikle
jaane vo kaun si manzil thi mohabbat ki jahan
mere aansu bhi tire dida-e-tar se nikle
dar-ba-dari ka hamen ta.ana na de ai chashm-e-ghazal
dekh vo ḳhvab ki jis ke liye ghar se nikle
mera rahzan hua kya kya na pasheman ki jab
is ke naame mere asbab-e-safar se nikle
bar-sar-e-dosh rahe ya sar-e-neza ya-rab
haq-parasti ka na sauda kabhi sar se nikle
Leave a Reply