Raees Niyazi
manzil-e-yar be-nishan bhi nahin
dil ho ghafil to raz-dan bhi nahin
barq kyuun be-qarar hai itna
ab to gulshan men ashiyan bhi nahin
ho nazar men agar haqiqat-e-husn
zindagi saada dastan bhi nahin
vo jafaon pe sharmsar na hon
ab ye manzil mujhe garan bhi nahin
yaar ki justuju ko kya kahiye
ra.egan bhi hai ra.egan bhi nahin
dil tak aa.e to vaj.h-e-taskin ho
vo nazar itni mehrban bhi nahin
allah allah surur-e-yad-e-habib
ab mujhe hijr ka guman bhi nahin
lab tak aa jaa.e to qayamat hai
ashiqi kar-e-be-fughan bhi nahin
azmat-e-husn ishq se hai ‘ra.is’
sar nahin hai to astan bhi nahin
Leave a Reply