humaira-rahman

Dil Ko Darun-E-Khwab Ka Mausam Bojhal Rakhta Hai

dil ko darun-e-khvab ka mausam bojhal rakhta hai

ik anjane khauf se vaqif har pal rakhta hai

vo jo ba-zahir har zarra hai tez havaon men

apne hone ka ehsas mukammal rakhta hai

tark-e-taalluq ne meri bhi soch ko badla nahin

vo bhi shikayat apne saath musalsal rakhta hai

registan ka pauda huun main aur bahut sairab

apna ruup ravayya mujh par badal rakhta hai

kankar phenk rahe hain ye andaza karne ko

thahra paani kitni ‘humaira’ halchal rakhta hai

More Poems

Leave a Comment