Manzil-E-Be-Nishan Se Kya Hasil

Poet

manzil-e-be-nishan se kya hasil

gum-shuda karvan se kya hasil

tang hoti zamin ka TukḌa de

vus.at-e-asman se kya hasil

kya karen jab ki bujh ga.iin ankhen

raunq-e-be-karan se kya hasil

dad-ḳhvahi ka haq bhi chhin liya

ab ki dar-ul-aman se kya hasil

lams rishton ka paa.en divaren

ghar ata kar makan se kya hasil

luT ga.iin jab miri mata-e-hayat

daulat-e-digaran se kya hasil

nazr kar ‘zauq’ sa fasih suḳhan

aisi kaj-maj zaban se kya hasil