dastan kya thi aur kya bana di ga.i
kuchh ghaTa di ga.i kuchh baḌha di ga.i
kar ke tajdid-e-ahd-e-vafa dil-nashin
qaid ki aur muddat baḌha di ga.i
jaan hatheli pe le kar pahunch hi ga.e
ahl-e-dil ko jahan bhi sada di ga.i
rabt-e-baham vo pahle sa baaqi nahin
kaisi surat jahan ki bana di ga.i
chashm-e-haq-bin men duniya ye kuchh bhi nahin
sirf ankhon men dilkash bana di ga.i
bhuul paana unhen ab to mumkin nahin
dil men kaisi ye surat basa di ga.i
kho ga.e kin ḳhayalon men tum ai ‘sahar’
mahfil-e-jan-o-dil to saja di ga.i
Leave a Reply