kabhi hathon se udata huun, kabhi marta huun
vaqt be-rang se kiide ki tarah
dast-o-bazu pe mire
rengta rahta hai din bhar
raat bosida razai ki tarah odhe hue
aur nakhunon se taron ko khurachte rahna
chand bhi ek phaphundi lagi roti ki tarah sar pe tanga rahta hai
kaise kaate koi bimari men bekari ke din?
ulti latki hui botal se utarti hui phiki bunden…
dast-o-bazu men mire
rengti rahti hain din bhar
ek be-rang se kiide ki tarah!
Leave a Reply