Dildar Ki Kashish Ne Aincha Hai Man Hamara

dildar ki kashish ne aincha hai man hamara

hai khaak is qadam ki shayad vatan hamara

ai dostan-e-jani dil siin karo tavajjoh

ta-jan paas apne pahunche badan hamara

gar zindagi hai baaqi phir tum siin aa milenge

didar akhiri hai jo hai maran hamara

darya-e-muddaa ka laae hain thaah jab siin

har buund ashk ka hai durr-e-adan hamara

darkar nahin hai pahren bar men qaba-e-zinat

ye bas hai khaksari khaki baran hamara

sab chhod khanuma kuun hain us ki justuju men

hai dasht aur bayaban bagh-o-chaman hamara

manind-e-kohkan hai be-kal ‘siraj’ ka dil

shayad ki maan leve shirin-sukhan hamara

Leave a Comment