Basheer Munzir
dam-ba-ḳhud hai chandni chup-chap hain ashjar bhi
aaj ki shab tham ga.i kyuun vaqt ki raftar bhi
ziist ki naav na jaane kis kinare ja lage
malgaji si dhund hai is paar bhi us paar bhi
dil ki baten kahne vaale aur ahista zara
gosh-bar-avaz hai koi pas-e-divar bhi
ansuon ka abr vo barsa ki sab kuchh bah gaya
hasraton ke shahr bhi zaḳhmon ke lala-zar bhi
Leave a Reply