Nadeem Bhabha
mangte mangte dua mire saath
bujh gaya aḳhiri diya mire saath
tu ne mujh ko tasalli dena thi
tu bhi ai shaḳhs ro paḌa mire saath
dil men aaya ḳhayal tujh se milun
chal paḌa ek rasta mire saath
koi jachta nahin alava tire
varna ik ham-safar to tha mire saath
bad-nasibi ki ishq kar ke bhi
koi dhoka nahin hua mire saath
dushmani to miri thi suraj se
shahr ka shahr jal gaya mire saath
saare chehre hi tere chehre hain
tu raha hai juda juda mire saath
Leave a Reply